வாழ்க்கைப் பயணத்துக்கு!!!!!!!!!

பல் வலி வரும் போது, வலிக்கும் பல்லை நாவால் நெருடினால் இன்னமும் வலிக்கும் என்று தெரிந்தும், ஒரு தீராத இச்சையோடு நாவு போய் அதே பல்லை நெருடுவது போல....மனசில் வலிக்கும் பகுதிகளை, என்றோ சிந்திய கண்ணீரை, யார் மீதோ இருந்த வெறுப்பை,புறக்கணிப்பை பத்திரமாக வைத்து அவ்வப்போது எண்ணத்தால் தொட்டுப் பார்த்து  'ஸ்..வலிக்குது'  என்று சொல்வதில் ஒரு கடும் சுகம் நமக்கு.
வீட்டினில் இருக்கும் குப்பைகளைப் போக்க போகிப் பண்டிகை கொண்டாடுவதைப் போலவே மனசுக்குள் இருக்கும்  குப்பைகளையும் அகற்றி விடுங்கள்.அதற்கு ஒரு எளிய ஆலோசனை முறையை ஜப்பானிய மருத்துவர்கள் பரிந்துரைக்கிறார்கள். 'சுமோ' என்று அந்த முறைக்கு பெயர். 'ஷட்  அப்  அண்ட் மூவ் ஆன்' என்பதுதான் அதன் விரிவாக்கம்.மனசுக்குள் இருக்கும் கசடுகளைப் போக்க ஒரே வழி, அவற்றை அப்படியே தள்ளி, யாரிடமும் பேசாமல், புலம்பாமல் அடுத்த வேலையை பார்க்கும் பயிற்சி தான் அது. 
எங்கே செய்யலாமா? கண்ணை மூடலாம். மனசுக்குள்ளே என்ன கசப்பு இருக்கிறது? என் பிரன்ட் என்னை ஏமாற்றி விட்டாள்,  பாத்து வருஷம் முன்னாடி  உறவுக்காரங்க என்னை கண்டுக்கல, பக்கத்து வீட்டுக்காரர் இன்சல்ட்  பண்ணிட்டார், இத்யாதி விஷயங்களைப் பொறுக்கலாம்.
வீட்டிலிருந்து வெளியேற்றும் குப்பைகள் மாதிரி இந்த குப்பைகளையும் வெளியேற்றலாம். அப்பாடி, மனசு லேசாகி விட்டதே...! நடுநடுவே திரும்ப நினைவு வந்தால்? நினைவு வந்தால் நமக்குள்ளேயே சொல்லலாம் - 'ஷட் அப்  அண்ட் மூவ் ஆன்'. இப்போது தொடர்ந்து நடக்கலாம் தானே?
லெஸ்  luggage  மோர் கம்போர்ட்  - குறைந்த பொருட்கள், எளிதான பயணம்.
வண்டிப் பயணத்துக்கு மட்டுமா? தான்! வாழ்க்கைப் பயணத்துக்கும் தான் !